2017-06-28

ZORTZI HILABETE

Amatxok nahi duen hura ez egiten ikasi du (hala behar du!) Elederrek eta irudimena erabili behar!

ZORTZI. ARI NAIZ ESERTZEN...ESERIALDIAREN HILABETEA.

Bularraldea zutitzen ikasi duzu eta bihotzak zintzilik egiten dizu jolas eztarrian gora egin nahian. Ai, polita! Dagoeneko hasi zaizu ipurdia zapaltzen eta zabaltzen. Ari zara ari munduaren horizontaltasuna ikuspegi bertikaletik ezagutzen; baina, ez ahaztu han goitik itsasoari bakarrik begiratu behar zaiola!  

Zorionak, pottolo! Osaba Ekaitzek bertso bikaina oparitu dizu:

Ai, Eleder, ai gure
Domingo Kanpaina!
Zortzi hilabeteko
zara alajaina!
Pixkanaka askatzen 
ari da mingaina,
gorputzak ere hartu 
du bere tamaina;
zutitzeko lain indar
ez daukazu baina,
bai eserita jolas
egiteko aina. 

No hay comentarios:

Publicar un comentario