HEMERETZIGARREN HILABETEA

Eleder pozik

Eleder haserre

HEMERETZIGARREN HILABETEA: ANTZERKIAREN HILABETEA

Sudurra uzkurtzean zimur arrastoetan algarak itsatsi eta haserre imintziok zorion zantzu bihurtzen dira. Masaila keinu jolastien antzezpenak opariak egiten dizkigu uneoro eta zortekoak gu, zure gidoien irakurleok. Eskerrik asko, txiki, lehenengo lerroan aulkitxo bat erreserbatzeko aukera emateagatik.  

Zorionak, pottolo! Osaba Ekaitzek bertso bikaina oparitu zizun maiatzaren 28an (atzeratu egin gara oraingoan!).

Hemeretzigarrena 

keinuen berrespen,

nola jakin azala

mozorro bat ez den?

Begirada akuilu, 

begirada ezten,

begia klixkatu ta

ezpainak tolesten,

segi, maitia, segi

bizitza antzezten.