2012-01-09

Urari putz egitea...


HITZA: MURMURIO

Entzun, entzun...







Ahotsaren ezkutaleku, isiltasunaren mozorro aurpegirik gabea. Salto txiki baten arnas hotsa, izerdiaren irristada azal biluzian behera. Ezpata bat lautada baten erdian eta haizea begira ziztada mutuei. Begirada baten irribarrea, sagu bihurri baten sartu-irtena. Murmurioa zulo bat da, sekula betetzen ez dena.

Eta nik urari hozka egin nahi izan nion; neure burua ito nahi izan nuen arnas hartzen ikasteko.



AFORISMOA: Gogoratu nahi ez izatetik ahaztu nahi izatera eternitate bat dago: memoria oso bat.

Bazen behin argazki bildumetan marrazkiak itsasten zituen (bizilagun bat?). Eguzkiz betetako orriak zituen, eguzkia erdi janda, eguzkia erdi  lo, eguzkia erdi biluzik, eguzkia erdi negarrez, eguzkia erdiminez, eguzkia erdi zoriontsu. 


Bizitza argazki bilduma haietako eguzkien erdi guztien bila igaro zuen. Behin memoriaz galdetu ziotenean, argia baino ez zuen ikusi. Eta horrek egin zuen zoriontsu; ahanzturak ez zuela itsutu ikusteak.






HAIKUA:

Hauts pinportekin
bizitza zenbatzen du
hilezkortzeko.

3 comentarios:

  1. Bai, ederra izaten da mendian behera kantari, saltoka, datorren uraren xuxurla edota murmurioa gureganatzea; majina leku ezagutzen ditut, halakoak, eta haiexei begira askotan jartzen naiz, beharrezkoa izaten dut.Aforismoa eta Haikua oso ederrak. Urte Berri On!!! muxu pottolo bat.

    ResponderEliminar
  2. Ur hots hauek Andion herrian dauden ur-jauzi zoragarrietakoak dira! Txoko zoragarria! Animatzen bazara... gustatuko zaizu, Joseba! Muxu gizen bat bueltan ;-)

    ResponderEliminar
  3. Bai, ezagutzen ditut paraje horiek eta, halaxe dira, erabat sorgiduak eta zoragarriak!

    ResponderEliminar