Hamaikan Hamaikaz Hamabiarekin

Gorrotoa sutzen denean,
sua ketzen denean,
keak ihes egiten du...

Ihesbidea isiltzen denean,
isiltasuna zauritzen denean,
zauriak garrasi egiten du...

Garrasia mintzen denean,
mina hausten denean,
hausturak zuloa egiten du...

Zuloa belzten denean,
beltza lainotzen denean,
orduan... orduan... orduan...

...orduan... orduan... orduan...
zergati guztien arrazoi-gosea...
denbora asekaitzaren ispilu...