2009-06-30

EGIN APUSTU ZURE BURUARI! (V)





Buruak ez duenez oporrik hartzen... hona hemen oporretan buruak lanean jarrai dezan proposatzen dizuedan problema.




ZEIN DA, ZEIN DA TXIN-TXIN EGIN ETA DISTIRARIK ATERATZEN EZ DUENA?


Laurak txanponen bilduma egiten du. 24 txanpon ditu, berdin-berdinak dirudite, baina, Xabik Laurari kontuz ibiltzeko esan dio, 24 horietako bat faltsua dela eta besteek baino pittin bat gehiago pisatzen duela. Bi beso dituen balantza bat hartu eta txanpon faltsua topatzea erabaki du Laurak. Ah! Baina, ez da hain erraza! Balantza hiru aldiz soilik erabil dezake. Nola moldatuko da txanpon faltsua topatzeko?

7 comentarios:

  1. 1. pisatze-aldia: balantzaren beso bakoitzean 6na txanpon jarri. Gehiena pisatzen duen aldean dago txanpon faltsua, beraz, besteak baztertu eta 6 hauek pisatu berriz.

    2. pisatze-aldia: gehiena pisatu duten 6 txanponak 3naka banatu balantzaren beso bakoitzean. Gehiena pisatzen duen aldean dago txanpon faltsua, beraz, besteak baztertu eta hiru txanpon besterik ez ditugu honez gero.


    3. pisatze-aldia: balantzaren beso bakoitzean txanpon bana jarri eta hirugarrena aparte utzi. Honez gero badakigu zein den txanpon faltsua: balantzan batak besteak baino gehiago pisatzen badu, pisu gehiena duen hori da faltsua. Eta, balantzan bi txanponek pisu bera badute, pisatu gabe utzi dugun hirugarren hori da txanpon faltsua.

    Burua lehertzear nuen Irati, eta... zure problema honekin egin dut topo !! Ez dut, ondo ebaztuta dagoen konprobatzeko aukerarik,;-) baina, edozeinetara ere, burua arinago sumatzen dut orain !!

    ResponderEliminar
  2. Eskola Kontseiluan utzitako ikaslea30 de junio de 2009, 22:25

    kaixo Irati
    ondo hasi da uda ez? nik banuen gogoa beste problemaren bat agertzeko blog bikain honetan.

    24 txanpon izanda hoberena xahutzea ez al da? Hori baino nahiago baduzu pisatzea tira, sahiatuko nahiz ondo azaltzen.

    1.- 8, 8 eta 8 txanpon (azkenak balantzatik kanpo).

    2.-Masa gehien duten zortzietatik 3 eta 3 balantzan jarri eta 2 kanpoan utzi.

    3.- azken pisaldiko masa handiena dutenetatik bat, bat eta bat kanpoan utzi, masa berdina badute kanpoan dagoena da faltsua eta bestela masa gehien duena.Edo hiru txanponeko bi taldeek masa berdina badute beste biak balantzan jarri eta masa handiena duena da faltsua.

    Problema entretenigarria!

    Nik badut beste galdera bat, niretzat, erantzuna ez jakiteagatik, problema bihurtu dena. Badakit 172 zenbakia "el número más pequeño que se puede expresar como suma de dos cubos de dos maneras distintas" dela. Ramanujanek G.H.Hardyri esan omen zion ospitalean, gaixo zegoela. Zeintzuk dira? Medikuntzan Nobel saria irabazi duen Rita Levi Montalcinik idatzitako liburu batean jartzen du. Ea dibertitzen zaituen zerbait!

    Ondo ibili!!

    PD: Goraintziak Saioaren partez

    ResponderEliminar
  3. Aupa Leire!

    Ederra da oporrak hartuta ere zuen berri izatea! Hortxe uzten dut zure ebazpena, sartzen den hurrengoak erabaki dezala ongi dagoen edo ez, ea bakarren batek zuk egindako ebazpenaren inguruan iruzkinik egiten duen. Laiotz, zer iruditzen zaik hiri? Ongi al zegok? Hik beste modu batera egin duk?

    Leire, helduko diot mahai gainean jarri duzun problemarie! Ideia zoragarria iruditzen zait! Beste problemaren batekin ere trabatuta bazabiltza proposatu lasai, nik ere gustura parte hartuko dut jokoan.

    Saioari eman musu handi bat, eta laster arte!

    ResponderEliminar
  4. Aupa Laiotz!

    Leire, berrikusiko duzu zuk Laiotzen problema? Zure ebazpenaren ezberdina da. Ongi al dago?

    Pozten naiz burua arintzeko botika matematika bada!

    Matematikari bikainak eginda zudete biak ala biak!

    Gozatu eguna!

    ResponderEliminar
  5. Hau lotsa !! Ni bai bizkorra !! Nik, nondik atera dinat 12 txanpon besterik ez zirela !! Banengonan ba, erreza egin zitzaidala... Edozeinetara ere, neure burua engainatuta gustura gelditu nindunan eta, eskerrik asko, Irati !! Hurrengoan, zailxeagoa izango badun ere, saiatu beste erremediorik ez dinat :(

    Hori bai, beste lagunak (Leire ? ) proposatzen duen berria... ulertzen ere lana dinat, beraz...

    Eutsi honi Irati !!

    P. D.: Euterari aipamena egiten zion tartetxoaren gabeziari erreparatzen zionat oraindik. Hutsunea bilakatu den hire blogean.

    ResponderEliminar
  6. Lainotz, animelien prfoblemen geinua, kaixo
    nire ustez ez dago gaizki polanteatuta baina lehenengo aldiz sei txanponeko bi taldeek masa bera badute nola jakingo duzu gero zein den faltsua bi pisaldi eta 12 txanpon edukita?
    uda ona guztiopntzat eta gora san ferminak!!

    ResponderEliminar
  7. Aupa bikote!

    Lotsik ez dago Laiotz! Hortxe dago koxka! Lehenengo pisaldian biek berdin pisatzen badute 12 dauzkazu oraindik albo batean; prozedurak balioko dizu, baina, 4 pisaldi beharko dituzu! Norbere akatsez ohartzen denak asko daki!

    Leirerena ongi dago, ezta? Lehenengo pisaldien biek berdin pisatuta ere zortzi bakarrik dituzu jolasean jarraitzeko.

    Ea hurrengoan problema honen protokolo bat zintzilikatzen dizuedan. Azalduko dizuet protokoloarena!

    Gora San Fermin! Zintzo ibili Leire!

    Eta Euteraren hutsuneari buruz... bai Laiotz nik ere blogari hozka egin banio bezala sentitzen dut. Asmatu beharko dugu zerbait hutsune hori betetzeko. Ondo izan!

    ResponderEliminar