2009-05-26

EGIN APUSTU ZURE BURUARI! (II)

Helmugara iristeko beharrezkoa al da pauso guztiak ematea? Eta salto egiten duena? Beti iristen al da nahi duen tokira? Ea pauso bakarrean nork ematen duen saltorik handiena! Hemen aste honetako problema:

MEGAZENBAKIA

Zenbaki arruntak jarriko ditugu bata bestearen atzetik, batzuen eta besteen artean hutsunerik utzi gabe: 0123456789101112131415161718192021...

Zein izango da zenbaki luuuuuuuuuuuze horretan 1002. lekua beteko duen zifra?

Ez zaizu bururatuko 1002 zifrak bata bestearen aldamenean idaztea, ezta? Hori tranpa da!

13 comentarios:

  1. Zenbaki luze honek zenbaki kate bat osatzen du..

    Matematikaren logikari jarraituz, zer ondorioztatu dezakegu:

    1 postuan 0 zenbakia dago
    2.postuan 1 zenbakia
    3.postuan 2 zenbakia

    beraz esan genezake X postuan dagoen zenbakia (X-1) zenbakia dela..

    ondorioz 1002 garren postuan (X= 1002), (1002-1)=1001 zenbakia dago

    matematika azken urte hauetan erabat zokoraturik izateak erantzun zuzenera ote narama?? edo okerrera??

    erantzunaren zain...

    ResponderEliminar
  2. Hau bai sorpresa polita! Inor animatuko ez zela pentsatzen hasita nengoen! Gustura jakingo nuke anonimo horren atzean nor dagoen... Pozten naiz "azken urteotan matematika zokoratuta izan ondoren" matematikaren jolasari heldu diozulako. Bejondeizula!

    Baina... tarteka gertatzen denez... atzera egin eta berriro salto egin beharko duzulakoan nago. Zifra da eskatzen dena, hau da, 0 edo 1 edo 2 edo 3 edo 4...

    Begira zer gertatzen den: 012345678910111213

    13.zifra 1 da
    14.zifra 1 da
    15.zifra 1 da...

    Logika zuzenik ez dago (beno beharbada bai, bideak asko izan daitezkeelako), nik buruan dudanak kontatzera eramaten nau, ez 1002. zifraraino baina...

    Egin apustu berriro zure buruari, edo niri! Ez etsi eta saiatu berriro! Ziur naiz hurrengoan asmatuko duzula, eta asmatzen ez baduzu emango dizut pista txiki bat.

    Ondo segi, eta laster arte!

    ResponderEliminar
  3. kaixo 1002. postuan 100. zenbakia egongo zen zere eta 1000 jarriz gero 1002. zenbakian 100 egongo zen

    ResponderEliminar
  4. Kaixo lagun!

    Buruari pare bat buelta eman diozu eta ongi dago hori. Baina, hirugarren buelta bat ere eman beharko diozu... Animo!

    Zifra bat da eskatzen dena, 1,2,3,4,5,6,7,8 edo 9. Horietako bat. Saiatu berriro, laguntzarik behar baduzu ondoan izango nauzu!

    Ez etsi!

    ResponderEliminar
  5. kaixo irati!!
    nre ustez 1002.postuan 1001 zenbakia egongo dela zerotik asten zarelako eta agian 3. postuan 2 zenbakia dagoeako zerotik hasten zarelako eta beti pstu bat gutxiago dago.
    Beno agur iati

    ResponderEliminar
  6. Aupa!

    Bi iruzkin gorago zure erantzunaren inguruko erantzun bat dago. Irakurri eta saiatu berriro! Lehenengo lagunak erantzun beran eman zuen eta... ea azalpenak beste bide bat hartzen laguntzen dizun!

    ResponderEliminar
  7. problema horren erantzuna 6 al da?? ez dakit zuzen edo oker nabilen baina entretenigarria izan da eta, oker banabil, izango da, erantzuna bilatzea.

    PD: zorionak! Oso blog interesgarria

    ResponderEliminar
  8. Hirugarren problema bat ez ikstearen ideiak tristetu egiten nau, beraz, hirugarren problema hori goza zezakeen pertsonaren bat laguntzeko asmoz, honen soluzioa jartzen saiatuko naiz.
    Nire ustez, 370 zenbakiaren 7 zifra dago 1002. postu misteriotsu horretan.

    ResponderEliminar
  9. Ederra da goiza halako sorpresa ederrekin esnatzen ikustea! Lehenengo anonimoari esan, mmmmmmm, ia erre dela! Pozten naiz bloga gustuko duzulako!

    Eta bigarren anonimoari esan... BEJONDEIZULA! 370 zenbakiaren 7 zifra dago 1002.postuan! Saria zain duzu Askatasuna institutuko mintegian. Bi txokolatina goxo zuk noiz ahoratuko zain daude!

    EBAZPENAREN nondik norakoak (ziur naiz bide bat baino gehiago badaudela...):
    0............9 bitartean 10 postu erabili ditugu
    101112......19 beste 20 postu (2 zifrako 10 zenbaki)
    20..........29 beste 20 postu
    .....
    90..........99 beste 20 postu

    eta dagoeneko lehenengo 10ekin eta 9ko 20rekin 190 postu daramatzagu. Orain 3zifrako zenbakietan sartuko gara. 100etin 199ra 300 postu daude, hamarreko bakoitzeko 30.Denak batuz gero 190+300=490.postuan gaude. 299ra iristerako azken bederazi hori 490+300=790.postuan egongo gara. (Ari gara hurbiltzen!)
    Beste 300 batzea gehitxo izango da. Beste 150 postu batuz gero, 100en ordez 50 zenbaki batu behar dizkiogu 299ri. 349 zenbakiko 9 zenbakia dago 940.postuan. Beste 60 postu batuta 20 zenbaki egindo ditugu aurrera. 349+20=369 an gaude. Hortaz, 1000.postuan 369ko 9 zenbakia dago. 1001.postuan 370eko 3 zenbakia eta 1002.postuan 370eko 7 zifra! Iritsi gara helmugara, altxa besoak beldurrik gabe!

    ResponderEliminar
  10. Zoratzen nago! Goizean ikasgelan sartu eta DBHko lehenengo mailako Saioak problema ebatzia ekarri dit. Primeran Saioa!

    ResponderEliminar
  11. Bi txokolatina horiek Saioa eta zuretzat, edo, bestela, eman bat Josu Errori, inoiz izan dudan matematika irakasle onena baita eta hirugarren mailako batek baino gehiagok faltan botatzen du/dugu.

    Anonimoena blogik izan ez eta izena jartzea eragozten didalako baino ez da, biolontxelojole eta matematikazale amorratua, ni izan nintzen azken anonimoa idatzi zuena Saioak laguntza eskatu zidanean.

    Ondo segi Irati!!

    ResponderEliminar
  12. Bejondeizula Leire! Hemendik aurrera ere gustura jasoko ditut zure ekarpenak. Izena jartzeko ez daukazu bloga eduki beharrik! Nombre/URL jartzen duen horretan izena jartzea nahikoa da.

    Josu izugarri poztuko da, irakasle batentzat ederra da ikasleek bere lana baloratzen dutela jakitea.

    Eta segi biolontxeloarekin eta matematikekin gozatzen!

    ResponderEliminar
  13. Ez nago ados, zenbaki batek nortasuna ematen dion amaiera du, apika, ezin da irekia utzi, amaigabea. Ez da erantzunerako beharrezko?, jakin da gero salda bero!. Hor jarritako ariketak azalpen zehatzago bat eskatzen du, ez da megazenbakia, zerotik jarraian zenbatzen den zifren orden jarraitu baten seriea baizik. Idatzi ezkerretik eskubira egiten da, irakurri ere bai, baina zenbakiaren hasiera ezker aldean dago, ala?, ui, ui, hau nahastea, oraintxe ni ere aurkikuntzen bidean. Demagun mila zenbakiaz ari garela 1.000, lehenengo postua 0 zifrak du, ala???? Gehienetan bezala ez dut arrazoirik izango baina, Irati, zuk animatu nauzu, bejondeizula!

    ResponderEliminar