HAMAZAZPIGARREN HILABETEA

Eleder hatzarekin autobusa ukitu nahian_2018-3-28

HAMAZAZPIGARREN HILABETEA: AUTOBUS, MOTOR, KAMIOIEN... HILABETEA

Kanpo hotsen zurrunbiloak barne mugimenduetan lurrikara eragiten duenean, begiek salto egiten dute. Konturatu zara doazenak kriskitinak joz itzultzen direla berriro. Etxeko leihoa munduranzko begiratoki bihurtu zaigu, badatozen eta badoazenen agur-toki. Denei egiten diegu ongi-etorria eta guztiek hartzen dute gure etxera sartzeko segundo bat beren bidaia saltarietan. Guk zure ezpain dardartien motor-hotsean egiten dugu bidaia. 

Zorionak, pottolo! Osaba Ekaitzek bertso bikaina oparitu dizu:

Hamazazpigarrena

hotsaren plazera,

autobus bat badabil

aurrera-atzera,

ume txikia ume 

txikien antzera,

motor hotsa non zure

begia hantxe da,

baina gure bizitzen 

motorra zu zera.